NIADTONG Disyembre 13, ang mga personahe sa Misamis Oriental Provincial Police Office sa pagpanguna ni Provincial Director Robert Roy Bahian milusad og mobile library ug feeding program sa lungsod sa Opol ug Villanueva, Misamis Oriental.
Sa lungsod sa Opol, Misamis Oriental katambayayong sa kapolisan ang 1ST ug 2ND PMFC uban ang Filinvest Development Corp (FDC) Utilities Inc., sa pagpanguna ni Ms. Analiza Umaran Miso, ang community relations officer.
Dungan sa paglusad sa mobile library mao ang feeding program ngadto sa 190 ka mga bata gikan sa Barangay Malanang sa pagpanguna ni captain Nilda Zapra.
Ang kalihokan gisugdan pinaagi sa usa ka boodle fight ug ang pinaka-highlight mao ang paglusad sa mobile library kon asa ang mga kabataan makaabli ug makabasa sa libro alang sa ilang pagtoun.
Gitudloan sab sa kapolisan ang kabataan ug gipasabot sa epekto sa ginadili nga druga lakip ang pagpreventar sa kabataan nga molakip sa teroristang grupo.
Lakip sab ang nakadawat og mga school supplies ang mga tinun-an sa Kirahon Elementary School, Sitio Kirahon sa Barangay San Martin, Villanueva, Misamis Oriental atol gihapon sa paglusad sa Higalang Pulis Mobile Library niadtong December 13.
Ang katukoran sa Mobile Library dako og tabang sa lalawigan sa Misamis Oriental aron ang mga kabataan dili maimpluwensyahan nga mosulod sa walhong grupo ug alang niadtong wala magtungha aduna silay makat-onan.