SUPERBALITA CAGAYAN DE ORO

16 ambulansya gitakda sa 8 ka provincial hospital sa MisOr

GIPAHIBALO ni Misamis Oriental Governor Yevgeny “Bambi” Emano nga sa nahibiling adlaw niya sa pagpangatungdanan, buot niya nga ang tanan mga departamento adunay insaktong mga sakyanan aron mas paspas na mapaabot sa katawhan sa lalawigan ug mga barangay ang serbisyo nga ilang matagamtaman.

Ang 60 ka mga gi-purchase nga sakyanan gitakdang moabot sa tuig 2020 ug atol sa pagpakayab sa nasudnong bandila iyang gisulti nga 16 niini alang ngadto sa walo ka mga provincial hospital sa lalawigan.

“I want before I leave that all of my departments will have our own transportation. I think we will be purchasing more or less 60 vehicles. Sixteen of that are ambulances for hospitals,” pahibalo ni Governor Emano.

Dugang niini nga aduna pay laing P20 milyon nga ekipo alang sa mga balay tambalanan sa lalawigan.

“We will still improve. We still have 937 days as governor,” matud ni Emano.

Samtang, gibalikan niini ang kanhi kahimtang sa walo ka provincial hospital sa Misamis Oriental dihang unang paglingkod niya isip gobernador sa lalawigan.

Gihulagway niini nga nagkagidlay kini pag-ayo sa giingong niaging pamunoan ug walay insaktong mga ekipo.

Kung iyang madumduman atol sa iyang paglingkod ang mga ospital huyang kung agian lang og trak motay-og, ang mga atop buslot ug ang tubig ulan moagi sa mga suga ug daw pinaka grabe aron mopasar sa accreditation ibalhin balhin ang ang refrigerator nga gasudlan sa dugo ug daw pag abot sa katapusang ospital nadaot ang dugo sa sige og ibot ibot ug balhin balhin niini.

“Pinaka ngil-ad nga akong nasunod ang kahimtang sa ospital. How do we fix it bisan sa kadaghan sa hagit? We bought equipment but some equipment, we will be able to distribute,” sulti niini.

“We believe that we save a lot of people...unya usa lang ka palpak tanan na dayon nasira sa atong hospital. Gatuo ko nga akong chief of hospital moserbisyo ug kabalo ko nga matarong,” dugang niini.

Gibutyag usab ni Emano nga sa nahibiling 900 kapin ka adlaw sa iyang pagserbisyo iyang padayunon ang pagpalambo sa walo ka mga balay tambalanan labina ning pag-implementar na sa Universal Health Care kon diin napili ang Misamis Oriental nga pilot province.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph