DAKONG gasa sa mga pamilya ang pagradwar sa mokabat 234 ka mga bag-ong sundalo dinhi sa Mindanao.
Ang mga bag-ong batch nga sundako nagsugod sa ilang military training niadtong Hunyo 5 ug madestino kini sila sa nagkalain laing unit sa 4th Infantry Division, Philippine Army.
Ang Class 608-2019 Top 3 Academic Excellence gilakipan nila ni Pvt Lauderson c Maizo gikan sa Brgy. Ligaya, Rosario, Northern Samar; Pvt Noriel J. Cui- gikan sa P4 Brgy. Quezon, Northern Samar; ug Pvt Garryson M. Andoy gikan sa P4 Brgy. Serna, Surigao City.
Sa Physical Proficiency (Strongest Man/Tarzan) mao si Pvt Lauderson C. Maizo sa Brgy Ligaya Rosario Northern Samar.
Naangkon sab ni Pvt. Jeffrey Colero ang Leadership Award.
Ang Class 609-2019 Top 5 gilangkuban sab nila ni Pvt Arniel G. Pangilinan gikan sa P2 Brgy Sumile, Butuan City; Pvt Ariel H. Babalcon gikan sa P1 Ampianga, Sugbungcogon, MisOr; Pvt Mark Sherbelle M. Malahay taga P2 Eastern Poblacion, Lopez Jaena, Misamis Occidental.
Ang Physical Proficiency o (Strongest Man/Tarzan) nakuha ni Pvt Robinson Timogtimog sa Malbay Malangas, Zamboanga, Sibugay.
Samtang Leadership Award naangkon ni Pvt Gerald B. Tabgaro.
“Kayo ang magiging espada ng 4ID upang putulin ang mga sungay at pangil ng mga nagnanais pabagsakin ang ating pamahalaan. Samantala, ihanda nyo rin ang inyong mga sarili upang magsilbing martilyo at araro na syang magiging katuwang at kasangkapan ng ating mga kababayan sa Barangay. I want you to be prepared to assume different roles: Builder, Peacemaker, Farmer, Teacher and More. Because our modern role asked us to become reliable partners of the people in peace and development” kini ang pahayag ni Major General Franco Nemesio Gacal, Commander sa Army’s 4th Infantry Division ug incharge sa Northern Mindanao ug Caraga Keynote Speaker.