SUPERBALITA DAVAO

Dungog ug garbo sa nasud

CHINA. Si Nice Zzaa Petecio sa Pilipinas, wala, di matukib ang kalipay human giisa ang iyang kamot sa referee human midaug kontra Minu Gu Rung sa Nepal sa Grand Slam Asian Boxing Championship 2019 women 57-kilogram gold medal bout, Sabado, Disyembre 21, sa Xiamen, China. (Nicezzaa Petecio Facebook)

DOSE ka adlaw human iyang igsuon nga si Nesthy Alcayde Petecio miangkon sa Southeast Asian (SEA) Games gold medal, ang 25-anyos nga single mother, Nice Zzaa Petecio mihatag dungog ug garbo sa nasud human miangkon og gold medal sa Grand Slam Asian Boxing Championship 2019 sa Xiamen, China Sabado, Disyembre 21.

Kini ang labing una niyang medalya gikan sa international tournament.

Nanguna siya kontra Minu Gu Rung sa Nepal sa women’s 57-kilogram championship bout via unanimous decision.

Suma ni Nice Zzaa masaligon siyang maangkon ang kadaugan human gipalupad ang daghang kinumo ngadto sa Nepalese.

“Ako gisunod ang giingon sa akong coach Maam na sabayan nakog hulog akong wild cross while mag jab siya maam, “ ni Nice Zzaa, gikan sa Barangay Tuban sa Sta. Cruz sa Davao de Sur, sa Facebook Messenger interview tali SunStar Davao, Dominggo, Disyembre 22.

Ang tim sa national team, gigiyahan ni coach Mitchell Martinez ug Coach Jogen Ladon, mikolekta og duha ka golds, usa ka silver ug usa ka bronse.

Si Nice Zzaa, sama sa 27-anyos nga si Nesthy, nagsugod sa iyang boxing career sa edad nga 11 sa Davao City uban ang amahang si Teodoro isip coach.

Miapil siya sa national team niadtong 2010 apan mibiya mga 2013 aron ihimugso anak nga singko anyos na karon.

Mibalik lamang siya sa national team Pebrero 2019.

“Overwhelmed kaayo ko Maam kay sa upat nako ka dula sa international, permi rako quarterfinals. Kani ang ikalima. First medal nako sa international na gold pajud og naay trophy maam. Lami kaayo sa paminaw maam na madungog ang national anthem nato Maam.”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph