SUPERBALITA CAGAYAN DE ORO

Mga anak sa trabahante sa Kapitolyo gihatagan og Kids Party

“TEACH them well, let them grow well, they are the future of this country. Merry Christmas, Happy New Year!”

Kini ang mensahe nga gipaabot ni Misamis Oriental Governor Yevgeny “Bambi” Emano ngadto sa mga ginikanan sa mga kabataan nga mitambong sa tinuig nga Capitol’s Kids Party.

Busog sa pagkaon, unli ice cream, cotton candy, painting ug uban pang klase klaseng padula ang mihatag lingaw sa mga kabataan nga sagad mga anak ug apo sa mga trabahante sa Kapitolyo Probinsyal atol Kids Party.

Dili masukod ang kalipay nga gibati sa mga kabataan sa giandam sa HR Department ug Provincial Administration Office sa inisyatiba mismo ni Misamis Oriental Governor Bambi Emano nga tinuig niining gahimoun aron ang mga kabataan mahatagan og lingaw, pagkaon ug mga pamasko.

Natigayon kini adlawng Lunes petsa 23 sa Disyembre kon diin liboan ka mga bata ang nagkatapok sa hawanan sa Capitol Park ug lingaw sa mga pakulo nga gihatag gikan sa mga mascots nga sila si Pinky ug Barney; gisundan dayon sa usa ka magic tricks ni Reuben Lardizabal, balloon making, bubble ug uban pa nga makalingaw.

Misalmot mismo si Emano sa kalikohan kinsa lakip sa nalingaw ug taliwala single ug walay anak ang gobernador gibitbit niini ang iyang tulo ka mga pag-umangkon nga anak nila ni abogado Nadya Elipe ug MOISC general manager Prexy Elipe.

Unang una gipasalamatan ni Emano ang lumilihok nga departamento sama sa HR Department sa pagpanguna ni Reshel Galindo ug Provincial Administrators Office sa pagpanguna ni abogado Irish Virtudez.

Matud sa gobernador nga dili na lamang siya mohatag og mensahe ngadto sa kabataan apan simpleng mensahe lamang ang gipaabot niini ngadto sa mga ginikanan nga mitambong ug kini tudloan ang mga kabataan sa saktong dalan kay sa umalabot kini ang kaugmaon sa nasod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph