Lokal Kasikas: Pinaskuhan sa OFWs, pamilya

(Hulagway gikan sa SM City Davao)
(Hulagway gikan sa SM City Davao)

ISIP pasalamat sa ilang dakong tampo sa ekonomiya sa nasud, ug suporta isip mga account holders sa BDO Kabayan Savings, ang kompanya subling mipaambit og pasalamat sa gatusan ka pamilya sa mga Overseas Filipino Workers (OFWs) dinhi sa dakbayan, Disyembre 14, sa The Annex sa SM City Davao.

“Pamaskong Handog is BDO’s way of giving back and recognizing OFs for their trust and loyalty as BDO Kabayan Savings account holders,” suma ni Genie T. Gloria, senior vice president ug head of remittance of BDO Unibank, Inc.

Mga pamilya sa OFWs midasdas sa SM City Davao, aron makigduyog sa lingaw-lingaw, diin mga sikat nga artista gibitbit sa kompanya aron mohatag og lingaw.

Nanguna dinhi ang aktor nga si Piolo Pascual, ABS-CBN love team Edward Barber and Maymay Entrata, “Tawag ng Tanghalan” grand champion Elaine Duran, OPM band Reo Brothers, Regine Velasquez-impersonator Regina Otic lakip na sila Ate Gay, and MC & Lassy.

Dugang ni Gloria nga pamaagi sab nila kini aron pasidunggan ang mga OFWs nga giantus ang kamingaw sa pamilya, aron lamang makapanarbaho.

Luyo sa performances sa mga stars, nalingaw sab ang mga misud-ong sa mga paraffle, uban pa ang exclusive treats gikan BDO Remit partners.

Anaa na sa ikawalo ka tuig, ang Pamaskong Handog gihimo sab sa Cebu ug Pampanga, diin ka-partner sa BDO ang SM.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph