1 patay sa bagyo sa Cebu

USA ang namatay samtang usa ang missing sa pagkuso-kuso sa bagyong Ursula niadtong Pasko sa amihanang Sugbo.

Duha usab ka mga lungsod sa amihanang Sugbo ningdeklarar og state of calamity aron makapagawas sila pundo sa paghatag og mga hinabang sa apektadong mga lumolupyo. Patay nang nakaplagan sa mga alas 11:15 sa buntag sa Huwebes sa dam sa Awihao, Barangay Guinacot, Danao City si Jonathan Canggas, 31.

Si Canggas, habalhabal driver, misungasong sa pagtabok sa sapa aron makauli sa ilaha.

Wa pa usab makaplagi ang missing nga giilang si Ericson Jimenez, taga lungsod sa Santa Fe, mga isla sa Bantayan.

STATE OF CALAMITY

Gipaubos na sa state of calamity ang mga lungsod sa Daanbantayan ug Medellin tungod sa grabeng kadaut dala sa bagyong Ursula atol sa bisperas sa Pasko, Disyembre 24, 2019.

Kini maoy gipahibaw nila ni Daanbantayan Mayor Sun Shimura ug Medellin Mayor Benjun Mondigo human sa special sessions sa mga konseho sa duha ka mga lungsod.

Nagpadayon ang ilang clearing operation. Sa kinatibuk-an sa Kabisay-an, 24 ka mga tawo ang nangamatay sa bagyo.

Ang mga opisyal sa disaster reponse niingon nga ang labing daghanan sa namatay naa sa Western Visayas diin anaay 16 kabuok, sunod mao ang Estern Visayas diin anaay pito ug usa sa Central Visayas. (ANV, JCT, MVI)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph