Albor: Sakit sa tawo ug hayop

BAHANDI ang maayong panglawas. Kaakohan nato ug sa gobyerno ang pagtagad ug pagpakabana. Motakboy ang sakit ilabina og minos ang resistensya kasagaran hilanat, ubo, sip-on, diarrhea, tipdas, anemic, tipos, skin disease, highblood ug tuberculosis. Sobrang inom ug panabako mosangpot sa stroke, hepa, sakit sa kasing-kasing ug baga. Ang tambal sa tawo pwede madapat sa hayop apan ang tambal sa hayop dili pwede sa tawo.

Dengue gikan sa pinaakan sa lamok. Inig kapusa sa itlog o larva mokabat og 1,635,000 ka mga lamok. Kemikals isabwag aron pag-abog apan ang epiktibong paghingilin mao ang paglimpyo sa palibot.

Polio usa ka infectious disease. Magtakod-takod ang poliovirus nga atakihon ang utok ug dugokan nga makaparalisar. Proteksyon ang bakuna pinaagi sa oral vaccine ug dunay injection.

Rabbies nga gikan sa laway sa iro ug ubang mananap nga makapaak. Ang tawo walay rabbies maong walay kuyaw kon mapaakan sa uyab.

HIV-AIDS resulta sa pakighilawas sa lain-laing dinagaang busa “stick to one hole”. Pwede ra ang bisyo basta dili lang bisyoso.

Miningococcemia nga talagsaong inpeksyon sa bacteria nga mosangpot sa miningitis. Motakboy sa nagputos sa utok ug sa nag-alirong sa dugokan.

Liptospirosis gikan sa pag-ubog sa hugaw nga tubig. Duna say baboy nga masakit og leptospirosis o kumpang nga mag-yellow ang karne.

Bird flu nga miigo sa Pampanga ug Nueva Ecija nga sakit sa manok nga kuyaw makakaon ang tawo. Japanese Enciphalitis gikan sa lamok nga culex nga mopaak sa hayop nga nagdala og kagaw ngadto sa tawo. Merscov sa Saudi Arabia nga sakit sa kamelyo motapon sa tawo. Sars sa China ug Hongkong gikan sa kagaw nga maglisod sa pagginhawa. Avian influenza sa Asia ug Europe nga sakit sa langgam nga motakod sa tawo. Evola sa West Africa nga virus nga dala sa hangin nga motapot sa singot. Zica sa Brazil nga virus gikan sa pinaakan sa laing klasi sa lamok diin ang mabdos nga matakboyan manganak og lupyak o kupos ang parte sa lawas. African Swine Fever (ASF) sa Poland ug Germany nga top exporter sa karneng baboy ug pork products. Hinoon ang China maoy labing dako og produksyon sa baboy. Positibo sab sa China, South Korea, North Korea, Vietnam, Mongolia, Camboadia ug Laos. Mitakod sa Bulacan, Rizal, Quezon, Pangasinan, Pampanga, Cavite, Nueva Ecija, Caloocan ug Malabon. Positibo ang longganisa ug hotdog sa Mekeni Foods.

Ang UK, Spain ug Australia maoy labing takos nga reference laboratory sa Word Health Organization (WHO) for Animal Care. Maong adto ipadala ang blood samples pagtino sa sakit. (csa_1156@yahoo.com / 09064648954)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph