KINSE anyos pa lang siya, apan si Nick (di tinuod niyang ngan) usa na ka regional high value target sa kapulisan.
Si Nick nasikop sa buy-bust operation sa City Intelligence Branch (CIB) sa Cebu City Police Office (CCPO) niadtong Huwebes sa gabii, Disyembre 26.
Nakuhaan siya og P1.8 milyunes nga balor sa gituohang shabu base sa Dangerous Drugs Board (DDB) value.
Tungod sa kadaku sa iyang mabaligyang illegal drugs, giisip si Nicole nga HVT, matod ni Police Major Randy Caballes, pangu sa CIB nga nipahigayon sa operasyon sa sityo Galile sa Barangay Duljo Fatima.
Matod ni Caballes nga si Nick ang labing bata nga ilang nakuhaan og dakong kantidad sa shabu ug HVT.
Ang maguwang ni Nick naa sa Cebu City Jail samtang ang iyang amahan naa sa Abuyog Penal Farm sa Abuyog, Leyte. Pulos sila nangabilanggo sa kaso sa illegal drugs.
Nangangkon si Nick nga ang tag-iya sa illegal drugs ang iyang igsuon.
Igo lang siyang binlan aron i-deliver ang illegal drugs bugti sa suhol kaniya. (BBT)