Dear Heartline,
Usa ko nga tigbasa og SuperB. Kada buntag ginahatdan ko sa akong suki. Daghan ko og natun-an nga mga update ug nakabasa ko o panambagon kabahin sa relasyon.
Ako diay si Nonoy, senior citizen, 59 na akong edad. Naminyo ngadto kang tita ug nakasal mi sa Camacop Alliance Church last 1996.
Apan ang problema gibawi sa Ginoo ang hinulaman niyang kinabuhi tungod sa breast cancer.
Sukad siya namatay adtong 2009, dili mawala akong kamingaw niya.
Sige ko og handum niya adlaw ug gabii tungod kay palangga ko niya.
Sa akong hunahuna buhi gihapon siya. Unsa kaha akong buhaton nga mawala siya sa akong huna-huna?
Usa diay siya ka Lady Minister. Taga Digos City ako. Daghang salamat sa imong pagbasa ug pagtagad
sa akung suliran. God Bless.
Nonoy,
Hi Nonoy,
Daghan kaayong salamat nga na-enjoy ka diay og pakli-pakli ning atong mantalaan.
Bitaw Noy, taud-taud na sab nga nawala ning kalibutana ang imong kapikas, ug panahon na sab siguro nga sugdan na nimo ang pagdawat nga wala na gyud siya.
Actually, never man gyud siyang mawala sa imong huna-huna tungod una asawa niya siya, ug sa kanunay, magpabilin gyud ang mga maanindot ninyong memories together.
Apan, di man nato hold ang panghitabo sa kinabuhi, mipahuway na sab siya tungod sa sakit, so, let her go.
Asa man to imong asawa karon, for sure malipayon to siya tungod wa na siyay bationg sakit sa lawas. Tuod man, di sayon nga mobiya ang usa ka minahal sa kinabuhi, apan ang kunswelo na lamang gyud natong nabilin, mao nga anaa sa atong hunahuna nga at peace na sila, ug di na mobati sa kasakit ning kalibutan.
Dawata, nga wala na siya ug isipa nga may kinabuhi ka pang angay nga tutukan.
Aron di ka magsige og hunahuna niya, i-busy ang imong kaugalingon. Atiman sa mga apo, o maglingaw-lingaw ba ka.
Pag-bakasyon, aron ma-release ang tensiyon ug mga stress ug kaguol sa kasingkasing.
Labaw sa tanan, i-ampo nga unsa man ang imong gibati, i-lift up ni tanan sa Ginoo aron makunhuran ang gibating kamingaw ug kaguol.
Be happy. Kay kung gasud-ong nimo ang imong kapikas gikan sa langit, unya sige kag emote, sigurado kung naguol sab to siya.
Timan-i ang pagmahal ug kamingaw di gyud na mawala. Apan, kita buhi pa, maong let's make use of it, atuang pahimuslan ang gasa sa kinabuhi uban sa atong mga minahal nga anaa pa sa atong kiliran.
Heartline