123rd Rizal Day: Lokal nga gobyerno sa Bansalan, nangandam sa pagsaulog

BANSALAN, Davao del Sur -- Andam na ang lokal nga gobyerno alang sa tinuig nga programa aron handumon ang kamatayon sa nasudnong bayani nga si Dr. Jose P. Rizal karong adlawa, Lunes, Disyembre 30, 2019.

Usa ka programa ang ipahigayon sa Rizal Park diin pangunahan sa mga opisyal sa lungsod ug sa Barangay Poblacion Uno.

Gitakdang mosalmot sab ang nagkadaiyang institusyon, mga magtutudlo ug uban pang ahensya sa gobyerno.

Human sa flag raising ceremony, aduna sab wreath-laying ceremony atubangan sa monumento ni Rizal isip pag-saludo sa kabayanihan niini.

Samtang, si Police Major Rodante Varona, hepe sa Bansalan Police Station, nagbutyag nga naka-alerto ang ilang hut-ong aron bantayan ang mga kasikas sa kabukiran.

Matod ni Varona nga sukad sa selebrasyon sa anibersaryo sa Communist Party of the Philippines (CPP), ang toong kamot sa New People's Army (NPA), niadtong Disyembre 26, wa sila'y na-monitor nga kasikas sa kabukiran.

Apan, bisan pa man nagpabiling alerto ang kapolisan ilabi pa daghang parokyano ang nipauli sa lugar aron saulogon ang taas nga holiday. (Orlando B. Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph