James, athlete of the Decade sa AP

ANG Associated Press kagahapon mipili kang LeBron James nga maoy ilang “Male Athlete of the Decade," ang pasidungog nga gibotuhan sa mga sports editors ug writers sa AP.

Sa 2010, si James midaog og tulo ka NBA championships - ug nakahagdaw usab og NBA Finals most valuable player award ning mga tuiga - gawas sa iyang tulo ka league MVP awards ug Olympic gold medal.

Sa binutohay, iyang gipatugbabawan ang no. 2 finisher nga si New England quarterback Tom Brady kinsa gisundan sa sprinter nga si Usain Bolt, soccer star Lionel Messi ug Olympic swimmer Michael Phelps.

Ang 35 anyos nga James mikolekta usab og mga prestiyusong achievements sa niaging dekada a negusyo man ug mga social responsiblities sama sa pagpatukod og eskuwelahan sa iyang hometown nga mao ang Akron, Ohio.

Anaa na siya karon sa ikaduha niyang tuig sa Los Angeles Lakers ug ang duha ka hitabo nga lisod hikalimtan sa kasaysayan mao ang pagbiya niya sa Cleveland Cavaliers diin siya gikasilagan og maayo.

Apan kining tanan napapas human nga mibalik ra usab siya sa Cleveland ug nahatagan kini niya sa ilang unang kampiyonato sa NBA niadtont 2016. (JBM)