USA ang Dabawenyong paralympian nga si Ernie Gawilan sa napili nga mahimong torchbearers sa 2020 Olympic Games ug Paralympic Games nga pulos himuon sa Tokyo, Japan.
Uban sab ni Gawilan ang kanhi Ateneo de Manila University volleyball player nga si Gretchen Ho.
Sa report, dungan nga gipadalhan og suwat ang duha sa Tokyo Organizing Committee diin gikumpirma ang partisipasyon sa duha ka Pinoy sa torch relay.
Alang sa Dabawenyo nga dakong dungog kini kaniya.
Samtang si Ho, miangkon nga nagpadala siya og aplikasyon, diin swerte nga napili sa mga organizers.
“Great news to end 2019. Guess who’s going to be a torchbearer at the @Tokyo2020 Olympics??? This every athlete’s dream. I just can’t wait for the new year to begin,” ni Ho.
Magsugod ang torch relay sa Marso diin molibot sa nagkadaiyang parte sa Japan.
Ang torch relay regular nga ginahimo isip promosyon sa Olympic Games.
Himuon ang regular Olympics na 2020 Tokyo Olympic Games sa Hulyo 24 ngadto Agosto 9 samtang ang 2020 Paralympic Games moarangkada sa Agosto 25 ngadto Septyembre 6.