Heartline: Feeling single si misis

HI Heartline,

Ako si Jun, mag-5 months na sab after mi makasal ni Myrabel. Okay man siya, 4 years sab mi bago mi nakadecide og minyo.

Pero mas bata lang gyud siya nako, 23 siya while ako, 38 na.

Nagproblema ko niya lately kay napansin nako feeling single man gud gihapon siya.

Nakurat sab ko sa iyang gusto nga dili pa daw niya gusto magka-anak, after 5 years na daw.

Galibog na hinuon kog sakto ba nga nagpakasal ko niya?

Unsaon ko man ni siya Heartline?

Jun

***

Hi Jun,

Paet pa's ampalaya diay ng imong kapikas kay may kaugalingon sab diay siyang plano sa iyang kaugalingon.

Mao bitaw nga una magminyo, angay nga magklaruhay sa gyud mo sa kung unsa ang inyong 'couple goals' sa inyong pagpakasal.

Usa man gyud sa rason nganong magminyo ang mag-uyab no is to formally start their family, maka-anak, etc.

Sana man lang giklaro nimo na niya bago mo nagpatali sa usag-usa.

Kung edad, di man sab siya ingon ana na ka-bata. Siguro wala pa lang gyud sa iyang prayoridad ang pagseryoso dayon sa pagpamilya, kay gusto una niyang i-enjoy ang married life nga kamong duha una.

Kung sa kini nga aspeto di namo magkasinabot di gyud mo magdugay, so mas maayong mag-talk mo labot niini.

Ipasabot kaniya ang imong punto, ug siya sab paminawa sa kung unsa ang iyang gusto mahitabo.

Matawhay ra ang inyong panag-uban kung give and take mo, pasabot magkasinabtanay mo sa kung unsa ang inyong main goal as couple, ug kadtong pwede ra una i-set aside.

Wish you luck!

Heartline