SUPERBALITA DAVAO

Tickets sa KathNiel concert gikuninitan

ARON mas mahatagan og dakong tsansa ang mga fans nga ma-enjoy ang early Valentine treat sa real-life sweethearts nga sila Daniel Padilla ug Kathryn Bernardo, mitanyag sila og promo sa tickets alang sa ilang concert nga Kathniel Live sa Davao.

Ang concert himuon sa Enero 31, 2020 sa SMX Convention Center.

Tsika pa sa mga organizers nga tungod sagad loyalista sa duha mga estudyane, gitanyag nila ang 20 percent discount sa ticket price alang sa mga estudyanteng mopalit og tiket.

Suma pa ipakita lamang ang student ID sa pagpalit og tiket nga Gold, Silver ug Gen. Ad.

Samtang sa mag-tropa nga buot mag-enjoy sa concert may 5 plus 1 promo sila.

Kinsa mang mopalit og lima ka tickets sa VIP, Gold, Silver ug Gen. Ad may libreng usa kabuok.

Mga Dabawenyo fans excited na sa pagpakilig nga hatud sa KathNiel sa unang concert nila dinhi sa siyudad.

Samtang special guest sab sila Karla Estrada, Wacky Kiray, DJ Jai Ho ug Yaya Doris.

Official ticket outlet ang HAGTAGS Printing and Advertising Services diha sa 3rd Floor, GMall of Davao JP Laurel Ave., ning siyudad ug mga outlets sa Wiltelcom.

Di kini ang unang higayon nga nag-uban sa concert ang duha, diin sagad niini sold-out.

Luyo sa sold-out concerts, bongga sab ang hatak sa ilang mga movies ug serye sama sa "Princess and I," "She's Dating The Gangster," "Barcelona: A Love Untold," ug "The Hows of Us."


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph