SUPERBALITA CEBU

Super Sine: The Mall The Merrier! Bongga ang effects

ANG salida ni Vice Ganda giatngan sa kadaghanan matag Pasko o matag Metro Manila Film Festival.

Tuod man, wala pakyasa sa Unkabogable ug Phenomenal Star nga si Vice ang publiko.

Mas arangan ni iyahang salida karon nga “The Mall, The Merrier” kay aduna’y klaro nga estorya.

Anaa gihapon ang mga jokes ni Vice nga makapabuhakhak. Na-impressed ko sa maong comedian tungod kay aduna’y esena sa salida nga seryuso siya nga nihilak, o makaingon ko nga usa sa labing seryuso nga scenes ni Vice sa iyang mga salida.

Kauban ni Vice sa “The Mall, The Merrier” ang iyahang sisterette ug co-host sa tv show “It’s Showtime” nga si Anne Curtis.

Managsuon ang duha sa salida. Si Anne nagbase na sa Australia human nagbuwag ang ilang mga ginikanan.

Ang Tamol Mall gipang-iya sa pamilya nila ni Vice (Moira) ug ni Anne (Morisette).

Kon unsa si Moira (singer) mokanta, ingon niana ang karakter ni Vice.

Daghan na ni’g kwarta ang Star Cinema kay wala magtinihik sa effects ug maayo kini nga susama na sa Hollywood movie.

Anaa gihapon ang fictional aspect sa salida ni Vice apan ni-blend ang estorya sa pamilya sa maong salida.

Mao nga angay usab kini nga tan-awon sa mga bata tungod kay malingaw sila sa mga duwaan nga molihok.

Daghang cameo ang maong salida. Gawas ni Regine Velaquez, Ruffa Gutierrez, Ogie Diaz, Maja Salvador, anaa usab si Charo Santos.

Anaa usab sa maong salida ang mga suod nga higala ni Vice nga mga bayot susama nila ni Brenda Mage, Chad Kinis, Petite, Lassy Marquez, ug MC Calaquian.

Wa sad magpauwahi si Tony Labrusca nga love interest ni Vice sa maong salida ug ang uyab ni Vice in real life nga si Ion Perez.

Bisan pa man og dili mamahimong number 1 sa takilya sa MMFF 2019 ning salida ni Vice ug Anne, wala na usa’y angay i-prove ang komedyante tungod kay nakuha na niini ang korona sa top grossing MMFF film sa mga nangagi nga tuig. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph