Lonzon: Ehemplo sa panag-uli ug paglambo

SALUDO ko sa gipakitang ehemplo ni Tuburan Vice Mayor Aljun Diamante, pagsalig-uli sa kontra sa pulitika.

Kay nagkauli na karon sila si Daphne Lagon, karibal sa pulitika sa mga Diamante sa lungsod sa Tuburan, lalawigan sa Sugbo.

Si Daphne maoy kontra ni Mayor Danny Diamante sa miaging 2019 nga piniliay apan napildi. Gipildi sab si Daphne sa pagka mayor sa election niadtong 2016 ni Aljun nga maoy bise mayor karon ug igsuon ni Danny.

Si Daphne asawa ni Kongresista Sony Lagon sa Ako Bisaya Partylist nag-usa sa gihimong Christmas Party sa Lungsod niadtong miaging Sabado.

Dunay say gihimong kortesiya ang magtiayong Lagon sa opisina sa mayor kauban ang mga konsehal Sa lungsod.

Kini maoy pagtimaan sa panaghiusa alang sa kalamboan sa lungsod nga ang maka binipisyu ang katawhan.

Nahitabo ang panaghiusa sa pamilyang Diamante ug Lagon di nagumikan sa espiritu sa Christmas.

Ang panaghigala matag adlaw para sa ika-ayo sa mga lumolupyo nga nakatagamtam og mga nagkadaiyang programa ilabi na sa kapanginabuhian.

Gawas niini, wa man sab maggukod si Diamante, sa kontra sa pulitika sukad pa kaniadto isip demokrasya nga nasud.

Ang Tuburan usa sa mga modelong lungsod ug maoy angay himuong samin sa mga mayor sa ubang lungsod. Basta molihok lang, duna gayoy paglambo.

Away sa Boljoon

Nahitabo man gud sa ubang mayor nagsigi og panggukod bisan paman gani sa mga tigpa luyo sa ilang kontra sa pulitika.

Usa niini, base sa reklamo nga akong nadawat, ang mayor sa lungsod sa Boljoon nga si Merlou Derama.

Matud pa sa nadawat nakong report, dunay sibilyan nga gipasakaan og kaso. Ang uban giingong gibaharan nga ipapriso ug planteran.

Kon tinuod ang pasangil, dili himsog ang demokrasya sa Boljoon. Kay giingong ang mga tawo nga mosaway sa ilang pang gobyerno hadlukon man.

Kamong mga pulitiko nagpapili mo sa katungdanan, open intawon ang inyong libro sa kinabuhi sa mga pagsaway. efrenlonzon71@gmail.com Text:09235562777

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph