Lalaki giulo’g tigbas

Lalaki giulo’g tigbas

DAVAO DEL NORTE -- Igo lang nakatungtong sa unang adlaw sa Bag-Ong Tuig ang usa ka ulitawo kay namatay dihang gitigbas sa hubog didto sa Purok 6B, Barangay Magatos, Asuncion alas 4:45 sa hapon, Miyerkules, Enero 1.

Giila ang biktima nga si Meto Obod, hamtong ang pangedaron, taga Purok Tagaras, Barangay Margatas, Lupon, Davao Oriental.

Subay sa report, nasayran nga ang biktima gitigbas-patay sa suspek nga si Dodong Tomboyan, hamtong ang pangedaron, minyo ug molupyo sa Purok Saranay, Barangay Camoning, Asuncion.

Base sa inisyal nga imbestigasyon, nasayran nga si Tomboyan, kauban sa iyang kaparyentihan, nagtagay og ilimnong makahubog sa balay sa iyang ugangan nga si Edward Ansulay.

Apan giingon nga gisulod ni Tomboyan kinsa hubog na niadtong tungura si Obod nga naghigda sulod sa balay nga nagtan-aw og salida sa telebisyon. Ug way daghang istorya, gihapsan ang biktima og mahait nga hinagiban tumong sa ulo.

Wala pa matagbaw ang suspek, gitigbas sab niini ang nagkadaiyang bahin sa lawas sa biktima hinungdan sa iyang kamatayon.

Human ang krimen, daling nisibat ang suspek palayo sa nahisgutang lugar.

Patay’ng lawas sa biktima naa sa Escriba Funeral Home sa lungsod sa Kapalong.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph