ANG Social Security System (SSS) nipahibawo nga nagsugod na sila sa pagpanawat og application sa Calamity Assistance Package (CAP) sa miaging buwan sa ilang kapin sa 68,000 ka mga sakop ug pensioners nga apektado sa kadaut sa bagyong Tisoy.
Gigahinanan kini og kapin sa P614.52 million.
Si SSS President and Chief Executive Officer Aurora C. Ignacio niingon nga ang mga miyembrong apektado sa bagyong Tisoy sa Southern Luzon ug ubang bahin sa Kabisay-an mahimo nang makapahimus sa calamity loan, direct house repair ug improvement loan ug advanced three-months pension sa mga apektadong SSS pensioners gikan sa Disyembre 20, 2019 hangtod sa Marso 19, 2020, gawas sa direct house repair ug improvement loan.
“This is to inform our members and pensioners in calamity-stricken areas that SSS is ready to assist them with their immediate financial needs,” matod ni Ignacio.
Mga SSS member ug pensioner nga nagpuyo sa mga dapit nga gideklarar sa National Disaster Risk Reduction and Management Council (NDRRMC) ubos sa state of calamity kwalipikadong makapahimus sa calamity loan, direct housing repair and improvement loan ug three-month advance pension.
Mga dapit nga gideklarar nga ubos sa state of calamity mao ang Batangas City; Mabitac, Laguna; mga lalawigan sa Quezon, Cavite, Oriental Mindoro, Occidental Mindoro, Marinduque; Corcuera, Romblon aug San Fernando sa Romblon; ug Lalawigan sa Northern Samar.
Ang CAP naglakip sa loan assistance program nga lahi sa loan windor gikan sa salary loan.
Mga miyembro mahimong maka-loan hangtod sa P40,000 sa calamity loan depende sa average sa katapusang 12 ka buwan nga salary credit.
Matod ni Ignacio nga 679,000 ka mga miyembro nga nagbayad ug 40,000 ka pensioners sa pension fund ang gikatahong apektado ni Tisoy.
Pay Maya
Ang Social Security System (SSS) nipirma og Memorandum of Agreement (MOA) tali sa PayMaya isip labing bag-o nga SSS collection partner sa miaging buwan atol sa ilang launching ceremonies nga gipahigayon sa 2/F, Ramon Magsaysay Hall, SSS Building,Diliman, Quezon City.
Ubos sa MOA, ang tagsa ka mga miyembro sama niadtong self-employed, voluntary, Overseas Filipino Workers ug non-working spouses mahimo nang makabayad sa ilang contributions pinaagi sa SSS Mobile App gamit ang ilang PayMaya account o bisan sa unsa nga Visa, Mastercard, o JCB credit, debit, o prepaid card.
Mga SSS member nga mogamit sa PayMaya accounts o sa ilang debit ug credit cards sa ilang pagbayad sa contributions kinahanglan mo-download una sa SSS Mobile App sa Google Play Store, Apple App Store o Huawei App Gallery.
Mahimo silang maka-log in gamit ang ilang existing My.SSS account’s user ID ug password ug mo-generate sa ilang Payment Reference Number (PRN) o Statement of Account sa SSS Mobile App pinaagi sa pag-lick sa “Generate PRN/SOA” icon. (PR)