BISAN paman og wala manghakot og awards ning Philippine-adaptation nga drama / comedy film nga “Miracle in Cell No. 7”, apan angay lang kini mahimong numero uno sa takilya.
Gawas nga maayong pagkadala ni Aga Muhlach ang karakter nga si Joselito Gopez, wa pud magpauwahi ang kamaayo ni Xia Vigor isip Yesha, anak ni Aga sa salida.
Kon wala pa ka makakita sa salida, dad-a imong pamilya ug ayaw kalimot pagdala og tissue.
Nagtuyok ang estorya kang Joselito Gopez kinsa gipasanginlan nga nipatay og usa ka batang babaye.
Dili lang homicide ang gipahamtang kaniya, lakip na ang kidnapping ug rape.
Gisentensyahan si Joselito og death penalty.
Unique kini nga salida tungod kay special ang role ni Aga dinhi, susama sa original Korean movie. Wala’y giusab sa plot.
Tungod sa kasuod ni Joselito ug ni Yesha, halos mao ra ni mogawas sa baba sa amahan.
Tuod man dihang napriso si Joselito, daghan ang naluoy kaniya ingon man nakasabot sa kamatuoran nga napasanginlan lang siya.
Kining Sailor Moon nga bag ang nakaingon.
Light ra ang maong salida tungod kay daghan usab kini og makapakatawa nga scenes.
Tungod kay mahulog nga ma-touch ka, magluha ka sa sige’g katawa.
Apan moabot sa scenes nga mobug-at og maayo ug diha na nga maghubag imong mata sa hinilak.
Kon sa nangagi nga tuig, kining mga komedya ni Vice Ganda ang nibenta sa takilya, apan lahi rong tuiga, mas daghang nitan-aw sa Miracle in Cell No. 7.
Dili na kahibulngan nga mao kini ang top grossing film sa Metro Manila Film Festival 2019!