SUPERBALITA CEBU

Albor: Gahin ug kinitaan

Sandiganan

GIDUSO sa kongreso ang 4.1T pesos nasodnong gahin sa 2020. Gibahig alang sa tanang ahensya ug departamento sa gobyerno.

Gibonggo ni Sen. Panfilo Lacson ang kadako sa pork barrel funds o PDAF sa mga magbabalaod. Hinoon sa sayo pa gisugyot ni Davao Oriental Rep. Corazon Nuñez-Malanyaon sa house sub-committee nga banhawon ang pork barrel nga isingit sa pag-amendar sa konstitusyon.

Mahimo na unya nga legal. Sa sinugdanan legal ang pork barrel kay gahin ubos sa General Apropriatuions Act (GAA). Apan gideklarar sa Supreme Court nga unconstitutional sa gibuhiang desisyon sa Nob. 19, 2013 kay giwaldas nga wala mahisubay sa proseso nunot niadtong pagbuto sa 10B pork barrel scam.

Matag kongresista makadawat kaniadto og 70M pesos kada tuig ug 200M pesos matag senador. Nasuta nga gihimong gatasan sa pangawkaw.

Nabaniog kadtong pagkalambigit nila Sen. Juan Ponce Enrile, Jinggoy Estrada, Bong Revilla, daghan pa. Giimbudo ang pork barrel funds sa malapasong mga magbabalaod ngadto sa mini nga NGO nila Godofredo Roque ug Janet Lim Napoles.

Si Napoles maoy nadutlan sa tango sa mga ebidensya. Hinoon giusab ang ngalan sa pork barrel ngadto sa unprogramed fund, e-government fund, contingent fund ug local government support fund nga mao ray makahuong ang mga kaalyado ni Pres. Noynoy Aquino. Mahinungdanon baya ang pork barrel para sa countryside nga kalamboan gikan sa mga kongresista ug senador dugang sa ilang bulohaton pagpanday og balaod. Samtang ang uban nga kinitaan sa ubang ahensya ug departamento igahin sa nagkalain-laing katuyoan.

Coco levy funds gamiton pagpalambo sa industriya sa lubi. Buhis sa mga negosyante sa rice tarrification sa NFA gamiton sa modernisasyon sa mga mag-uuma. Excise tax sa mga sakyanan ug mga produktong petrolyo ihapak sa mga infrastructure programs nga gihan-ay sa administrasyon nga mokabat og 8T pesos ubos sa Build, Build, Build Program. Sin tax sa sigarilyo, bino, softdrinks ug ubang flavored products gamiton sa pagpatuman sa Universal Health Care abag sa free hospital care sa Philhealth ug Department of Health. Maong gilutos gilayon kadtong tax scams sa pabrika sa sigarilyo pagpeke sa label.

Kinitaan sa Philippines Charity Sweepstakes Office gamiton alang sa Individual Assistance Program sa kabos nga mga pasyente. Pundo sa Pagcor alang sa premyo ug ubang pinansyal nga panginahanglan. Road Board nga gitahasan pagtagad sa pundo nga nakolekta sa Motor Vehicle Users Charge maoy gamiton sa drainage ug solid waste management. (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph