‘Aksyon Agad’ gipasigarbo

AKSYON Agad Team (AAT) ang usa sa gipasigarbo nga dakung nabuhat sa Kagamhanan sa Talisay City ubos sa liderato ni Mayor Gerald Anthony Gullas sa unom ka buwan niyang pangagamhanan.

Ang AAT ang moresponde ug mosulbad sa mga reklamo gikan sa pagbara sa kanal, flood control repair, ug bisan sa mga menor nga problema sa mga pagpaayo sa koneksyon sa kuryente, tubo ug bisan na sa mga putlunon nga sanga sa kahoy nga nakabalda sa kabalayan o publiko.

Tanan nga gipatabang sa 22 ka mga barangay sa siyudad giaksyunan dayon sa AAT.

Kawsa niini nga bisan unsa ka gamay ug daku nga problema sa Siyudad, pangitaan og solusyon aron di na makadaku pa.

“Our AAT was also instrumental in addressing various flooding issues in the City including those in Barangays Bulacao, Linao and at the Cebu South Coastal Road,” saysay ni Gullas sa Superbalita Cebu.

Kalabot sa basic services, “we introduced new programs that would compliment with our present ones and would make our services more efficient in terms of delivery”.

Usa na niini ang pag-establisar sa mayor sa Aksyon Agad Desk sa Talisay City District Hospital isip tabang sa Talisaynon nga anaa sa lisug gyud nga kahimtang, aron maka-avail dayon sa medical ug financial assistance nga di na kinahanglan pa motuyo sa City Hall.

Sukad sa pagkamugna niini niadtong Hulyo, niabot na sa 3,450 mga Talisaynon ang natabangan ug nigasto na ang Kagamhanan og kapin sa P4 milyones.

Moabot na usab sa kapin 400 ka Talisaynon ang nakabenipesyo sa programa nga ‘Womb to Tomb’ kun libre nga maternity, funeral ug burial services, lakip na ang libre nga medical laboratory services.

Sukad sa ilang partnership sa Hi-Precision, aduna nay 128 ka mga tawo ang nakabenipisyo sa medical laboratory ug dul-an sa 300 ang naka-avail sa burial assistance. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph