KON tinuod man ganing pipila ka buwan karon mosira na ang ABS-CBN kay dili na ma-renew ang ilang franchise mao nay atong atangan.
Apan sa pagkakaron padayon gihapon ang ilang mga gitrabahong proyekto ug mga bag-ong programa sama sa “Make it with You” sa LizQuen ug ang “A Soldier’s Heart” ni Gerald Anderson nga ato nang nahisgutan.
Naa usab ang “Soulmate” ni James Reid, pero dili si Nadine Lustre ang iyang paris. Apan okay ra kuno si Nadine.
Apan nalipay ang K-pop fans kay ang maparis ni James ang usa sa mga miyembro sa sikat nga “Momoland” nga si Nancy o Lee Geu Roo sa tinuod nga kinabuhi nga excited usab sa maong proyekto.
Susama silag gibati ni James, tiaw mo kanay usa ka international artist ang iyang kalabtim. Ato lang unya kining atangan sa primetime bida sa direksyon ni Antoinette Jadaone.
Human mikita ang pelikulang “Unbreakable” nilang Bea Alonzo ug Angelica Panganiban may serye sab silang gi-shoot karon.
Ang “The Faithful Wife” ni Angelica apan wala pa gi-reveal kon kinsa ang makauban sa aktres. Samtang kang Bea ang “Kahit Minsan Lang”, diin iyang makapartner si Richard Guttierez nga naka-partner sab niya sa pelikulang “Unbreakable”.
Makauban nila dinhi silang Rafael Rosell, Christian Bables, Jameson Blake, Roxanne Barcelo, Jennica Garcia, Helen Gamboa, Isabelle Daza ug Ana Abad Santos. May espesyal nga partisipasyon usab dinhi silang Noni Buencamino ug Edu Manzano.
Balik teleserye usab ang “Kimxi” kay sa “Love Thy Woman” silang Kim Chiu ug Xian Lim ang bida.
Unya kay ni-backout naman si Erich Gonzales sa daghang mga rason, nga unang na-tsika nga makauban sa duha, si Yam Concepcion na ang mohulip sa iyang papel.
Makauban nila silang Sunshine Cruz, Eula Valdez, Christopher de Leon, Zsa Zsa Padilla ug Ruffa Guttierez, ay’g saba!