SA MILABAY nga adlaw nga Sabado, atong na-interbyu ang presidente sa PUBLiCUS Asia Research Survey nga si Aureli Sinsuat kun diin nasurpresa ako nga mitawag gikan sa Arizona sa United States of America, aron lang ibutyag ang resulta sa ilang survey sa mag-amahang presidente Rodrigo Duterte ug Davao City Mayor Sara Duterte-Carpio nga giingong mag-tandem sa presidential elections sa tuig 2022.
Positive ang resulta sa mag-amahan, sa ilang gihimong survey sa Visayas ug Mindanao nga nakakuha ug 92.2% ang kada-ugan sa amahan ug anak kung ugaling magkuyog sila sa maong posisyon sa presidential elections sa pagtapos sa termino sa amahan.
Sa maong survey, sa pagka-presidente, nagpakita nga ikaduha lang si bise presidente Lene Robredo, ikatulo si Oscar Moreno ang mayor sa Manila kung mangabisyon siya pagdagan sa pagka-presidente.
Dinhi sa ato, dili kini imposible kay nag-tandem na ang mag-amahan niadtong 2010 presidential and local elections sa natapos ang termino ni Mayor Rody sa maong tuig, si Inday Sara maoy iyang gipadagan sa pagka-mayor, ug siya ang nag bise mayor hangtud sa 2013.
Kining umaabot medyo kulba, tungod kay tibuok botante na sa Pilipinas ang mopili sa pagka-presidente ug pagka-bise presidente; ang dakong pangutana, kuyogan kaha sa katawhang Pilipino ang amahan ug anak nga mag-tandem sa maong posisyon sa 2022?
Gawas sa Mindanao, bisan didto sa Metro Manila ug ubang party sa Luzon, taas ang ratings sa atong presidente, kana kung ang eleksyon himuon karong panahona, pero gikan karon daghan pang manggihitabo hangtud sa 2022, pero, kung imentinar lang sa atong presidente kining iyang estilo sa pagpadagan sa atong gobyerno nga para sa masa, hayan nga hayag pa sa udtong tutok ang kalamposan sa amahan ug anak sa ilang tumong sa politika ning umaabot nga bugnong-lugaynon sa tuig 2022.
Ang pinaka-delikado lang, kung mangapital ang mga dagkong negusyante karon nga gipaligsan sa atong halangdong presidente sama nila ni Pangilinan, Ayala, ug Lopez sa ABS-CBN nga dili mahinugon mugasto sa ilang bilyon bilyon para lang mawala ang atong presidente kay tunok sa ilang dakong negusyo nga katawhang Pilipino ang gipangtuok.
Dugangan pa sa pagka-anti Amerika sa atong presidente, kon sa sekretong pamaagi mag-finance og bilyon dollar para lang mapalagpot ang atong presidente? Kning tanan puro espekulasyon lang, pwedeng matinuod? Pwedeng dili, apan haduol sa kamatuoran.
Kung matinuod ang Inday Sara-PRRD tandem sa 2022 ug magmalampuson, dinhi na magpadayon ang tinuod nga kabag-ohan sa panggobyerno sa Pilipinas.