NAKABSAN sa kinabuhi ang usa ka lalaki human aksidenteng nahulogan og sanga sa balite mga ala 1 sa hapon niadtong Enero 2 sa Luan-luan Swimming Pool sa Quezon, probinsya sa Bukidnon.
Sa inisyal nga imbestigasyon sa Quezon Police Station nangaligo ang pamilya niini niadtong petsa 2 sa Enero ug igo lamang naglingkod sa kilid nga bahin sa swimming pool si Matranillo Y. Cabaltero dihang nahulogan og sanga sa balite hinungdan sa pagkaigo sa ulo.
Gidali ug dala sa St. Claire Hospital sa dapit apan dead on arrival nga gideklarar sa doktor. (SVB)