NAHULOG na karon sa mga kamot sa otoridad ang usa ka lalaki nga suspetsado sa pagpangilkil sa mga wholesaler diha sa Fish Landing Area niadtong niaging adlaw sa Bulua ning siyudad sa Cagayan de Oro.
Deretsong milihok ang mga otoridad human nagpakatap og hulagway pinaagi sa iyang post si Ms. Irene Floro, ang presidente sa Wholesale Fish Landing area ug namahayag basi sa iyang post nga nangilkil sa ilang mga wholesaler ug dihang wala nahatagan nanion og pistola.
Kanunay sab kini gabalik-balik sa dapit kay gapangayo og isda kay magsumangil nga birthday sa ilang dako-dako nga polis.
Sa follow-up operation ug hiniusang pwersa sa kapolisan sa pakigtambayayong sa RID PRO 10 pangunahan ni Police Major Dalangin, Police Station 7 sa Bulua sa Cagayan de Oro City Police Office, CMFC ug CIB giubanan sa Baungon Police Station didto nadakpan sa Danatag, Baungon Bukidnon mga alas 4:30 sa hapon niadtong Enero 3 si Glenn V. Calang, 35, nga taga Bayabas ning siyudad sa Cagayan de Oro.
Gawas sa giingong pagpangilkil nga gihimo niini gapanion pa kini og pistola gamit og kalibre .45 sa iyang mga nabiktima. Positibo kining natudlo sa mga nabiktima niini kinsa unang gapatoung sakop sa intelligence sa kapolisan.
Nasayran sab sa nga tuig 2015 gidakop gihapon kini didto sa Gingoog Police Station human nihimo sa susamang pagpangilkil mga tulo ka bulan ngadto sa mga dagkong negosyante ug gapatoung sakop sa kapulisan.
Sa pagkakaron detinado na suspetsado kinsa gitakdang mag-atubang og kasong extortion.