Pakigbatok sa Ginebra pangandoy ni Almazan

GIHULAGWAY sa kadaghanan ang title series tali sa Brgy. Ginebra Gin Kings ug Meralco Bolts sa Philippine Basketball Association (PBA) Governor’s Cup nga usa ka ‘gipangandoy nga engkuwentro.’

Alang kang Meralco center Raymund Almazan, katumanan kini sa iyang pangandoy.

Gipasabot ni Almazan nga dugay na niyang gipangandoy nga ikaharong ang labing bantugang basketball team sa Pilipinas sa usa ka championship series.

Sa dihang nagduwa pa siya sa Rain or Shine Elasto Painters, kaupat na nakataak sa finals si Almazan apan wala niya ikaharong ang Gin Kings ning mga higayuna. Mao kini hinungdan nga grabe ang kahinam ni Almazan ning maong title series nga sugdan ugma sa Smart Araneta Coliseum.

“Dream come true sa akin na makalaban ang Ginebra sa finals talaga,” pagtino ni Almazan sa www.spin.ph.

“Kasi hindi naman tayo lahat bumabata sa PBA, so gusto ko bago ako mag-retire o mawala sa PBA, makalaban ko muna ‘yung idol ng lahat ng teams.”

Matod ni Almazan nga nagdako siya sa usa ka pamilya nga grabe ang pagsuporta ngadto sa Brgy. Ginebra hilabi na sa panahon ni Robert Jaworski.

“Bata pa lang ako, nagkakagulo na sa bahay namin pag umuwi ako galing school. Tapos tatanungin ko, ‘Anong pinapanood ninyo?’ ‘yun pala nasa finals ang Ginebra,” pasabot ni Almazan.

“So honest lang ako, bata pa lang talaga ako, Ginebra fan talaga ako.” (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph