GIKLARO sa Kapamilya star Nadine Lustre ang sinuwat sa editor/columnist sa nasudnong pamantalaan nga si Ricky Lo sa iyang artikulo nga gipagawas kabahin sa giingong nagbuwag na si Nadine ngadto sa iyang real-life boyfriend James Reid, way kamatuoran.
“First off, that was so low. Second, none of what you said was true and it is never okay to use someone’s mental situation/tragic past just to prove a point. Mental illness is a very sensitive matter,” gisuwat ni Nadine sa iyang Instagram Stories nga nagtumbok sa sinuwat ni Lo sa newspaper.
Ang tubag ni Nadine nigawas sa ABS-CBN News. Sa sayo pa, nigawas sa artikulo ni Lo nga nigawas sa PEP.ph nga tinuod ug dili fake news ang maong isyu nga panagbuwag nilang Nadine ug James.
Kini ilabi na nga mibiya na ang aktres sa balay ni Reid human sa duha ka tuig nilang nag-live in ug didto na kini mipuyo sa usa sa mga condominium sa Makati.
“Was it a case of ‘too much, too soon’...too much togetherness and too soon to be living together?” natala sa sinuwat ni Lo.
Dugang pa sa maong article nga kasamtangan nga nag-amping si James sa maong break up issue ilabi na sa posible unyang resulta nga dangatan niini gumikan kay nag-antos sa mental illness ang aktres. (B)