DEAD on the spot ang usa ka indigenous people mandatory representative human gipusil niadtong Enero 4, mga alas 9:30 sa buntag sa Barangay Canangaan, Cabanglasan, Bukidnon.
Sa inisyal nga imbestigasyon sa Cabanglasan Police Station, nasuta nga kuyog sa biktima nga mao si Sammy C. Diwangan, 45, minyo, ang iyang 9-anyos nga menor de edad nga anak apan kalit kining gipusil sa wala mailang suspek.
Patay diha-diha ang biktima human nakaangkon og samad sa iyang mata nga bahin.
Sa bag-ong kalamboan, ang 4th Infantry Division Philippine Army nagpagawas og pahayag nga hinimoan kini sa mga sakop sa New People's Army (NPA).
Giingong si Diwangan usa ka lig-on nga lider sa ilang komunidad ug dakong supak sa mga recruitment sa walhong pundok.
Usa ka kanhi sakop sa NPA nga misurender na karon maoy nikumpirmar sa maong impormasyon.
"When I was still the NPA commander of the Sentro De Grabidad Thunder of Guerilla front six, it's been our plan to neutralize Sammy because we cannot execute our mission in expanding our group in Barangay Canangaan because of him," matud sa usa ka alyas Cardo.
Ang 9-anyos nga anak niini niingon nga upat ka tawo ang mipusil sa iyang amahan.
Si Lieutenant Colonel Ronald Illana, ang commanding officer sa 8th Infantry Battalion, nikondena niini nga pagpangatake.
"We condemn this barbaric act of the NPAs against a helpless civilian who works for his family and community, this act is a clear manifestation of their evolution into a terrorist organization," matud niini.
Ilang gipaabot nga padayon ang kasundalohan sa paghangyo nga hunungon na kining mga susama ninii nga pagpangatake ug balik sa sabakan sa gobyerno. (Stephanie V. Berganio)