GUBA ang vault ug nalimas ang sulod nga P200,000 sa Bupharco Pharmacy sa dihang gilungkab ug gisulod sa wala mailang kawatan nga nadiskubre mga alas 6:30 sa buntag Enero 6 sa Poblacion Sur, Don Carlos Bukidnon.
Nagpatabang sa kapolisan ang duha ka mga empleyado nga mao sila si Abby Guia Ga-a, 25, minyo, taga Poblacion, Valencia City; Charle R. Tura, 25, ulitawo, taga South Poblacion, Maramag, Bukidnon; ug Alix Lyle Bonilla ug gireport ang ilang nadiskubre dihang pag-abri sa parmasya.
Guba ang padlock sa entrada nga bahin ug giabli ang duha ka vault ug gikuha ang sulod nga P200,000, una sa loan and savings vault ug ikaduha sa nalimas ang kantidad nga P77,513 gikan sa pharmacy vault.
Sa imbestigasyon sa kapolisan, ilang nakita nga sa pagbukas sa vault walay senyales nga gigamitan og pwersa ug lakip ang hard disk sa closed circuit television camera ang gidala sa kawatan.
Giimbestigahan karon kung inside job ang maong pagpangawat.