HEPE sa Police Regional Office 7 nagplano nga hatagan og special lane ang devotees sa Santo Niño nga magdalagbackpacks nga gusto mosulod sa Basilica Menore del Santo Niño, apan hugot nga inspection ang ilang buhaton aron di malutsan sa mga kriminal.
Mihatag og konsiderasyon ang hepe sa PRO niadtong mga deboto nga taga laing lugar nga gustong mosulod sa basilica nga adunay dala nga mga back pack.
Una nang nibutyag ang kapulisan nga ilang hugot nga idili nga makasulod ang mga tawo nga magdalag backpack gawas kon transparent.
Apan atol sa press conference sa Basilica, matod ni Police Brigadier General Valeriano de Leon nga ilang hatagan og special lane ang mga tawo nga adunay back packs aron ipaubos sa sub-sub nga inspection.
Ilabi na kadtong mga bisita nga gikan pa sa laing lugar sa nasud nga wa pay kabutangan sa ilang mga dala.
Ila kining tugotan nga maka sulod sa simbahan.
“No backpack but there’s always an exemption to everything. May nag a-attend kasi na walang hotel, walang ma titirhan kaya i a-allow natin ang bag but they have to go through an inspection,” sigun ni de Leon.
Pagsugod sa novena sa Enero 9 adlawng huwebes nga mao usab ang Walk with Jesus, mopakatap ang Cebu City Police Office og 300 ka mga police personnel sulod sa simbahan.
Usa sa ilang gipangandaman ang pag abot sa mga notadong mangunguot gikan sa Metro Manila human sa kalihukan sa Traslacion sa itom nga Nazareno sa Qiapo, Manila.
Samtang nagpadala nag suwat si de Leon ngadto sa National Telecommunications Commission NTC7 alang sa pagpawong sa signal sa telcos atol sa mga kalihukan sa Sinulog. (AYB)