Aubrey Miles, 'inosente' sa Gen-KC breakup

GIBUTYAG ni Aubrey Miles nga na-shock siya dihang nadunggan nga nagbuwag na gayud ang magtiayong Geneva Cruz ug KC Montero.

Si KC, igsuon sa kapuyo ni Aubrey nga si Troy Montero.

According kang Aubrey, wala'y gisulti si Troy kaniya bahin kang KC ug kang Geneva. Gani, siya pa daw ang mipahibawo kang Troy sa maong balita.

Aminado si Aubrey nga suod sila ni Geneva apan wala gayu'y na-chika ang uwahi bahin sa real score nila ni KC.

Gibutyag ni Aubrey nga na-sad siya sa maong balita since nasayud silang nagminahalay gayud sila si KC ug Geneva.

Anyway, gibutyag ni Aubrey nga wala pa sila'y plano nga magminyo ni Troy. Wala pa sab siya'y mahatag nga detalye bahin niini bisan may anak na sila.

Giklaro ni Aubrey nga bisan pa man nga di sila kasado ni Troy, malipayon ang ilang pagpuyo. Suportado sab daw siya ni Troy sa mga plano niya sa kinabuhi ilabina sa hinay-hinay niyang pagbalik sa iyang showbiz career.

Si Aubrey, giingong plano na untang mosulod sa Viva Artist Agency apan may humanunon pa siyang kontrata sa manager nga si Dondon Monteverde.