KINSAY nakakita og The Mall, The Merrier?
Kahibawo ba mo nga kadtong shopping mall nga gi-shootingan sa maong pelikula mao to ang Harrison Plaza sa Malate, Manila?
Natukod ni niadtong 1976 apan gisira na niadto lang December 31 kay gub-on na diay ni sunod buwan aron tukoran sa bag-ong residential building complex ug shopping center sa SM Prime Holdings.
Kadtong nagbanda pa ko sa Manila mga 1984 diha sa Harrison Plaza ko unang nakakita nilang Gary Valenciano ug Chona Cruz nga ni-perform live. Sikat man kaayo ni nga mall sa una. Gani, usa ni sa mga unang mall sa Manila.
Nangutana bitaw kong Vice Ganda kadtong dire sila kon unsa ni nga mall, ang iya rang tubag kay Tamolmol.
Kon nisulti pa siya dayon nga Harrison Plaza nindot unta to nga `publicity stunt’ aron mas ma-attract nato ang atensyon sa publiko.
Tan-awa di napildi hinuon ang iyang pelikula sa Miracle in Cell #7.
Garagara pa more!
MMFF
Ang wa nako ganahi karon sa MMFF kay puwerteng mahala sa pulta nga P245 ngadto sa P300 depende sa sinehan.
Sa mga nangaging tuig nga P220 ra man unta na. Nigara sila kay dako pa man tog kita ang MMFF 2018 nga niabot sa P1 bilyon.
Mao nang dalidali dayon silag mugna og laing MMFF nga magsugod karong Mayo nga gitawag og Metro Manila Summer Movie Festival. Nahigam ang mga kyampaw.
Unya kay puwerte mang gamaya sa kita karon sa mga pelikula sa MMFF.
Okay ra nang December kay duna may bonus ang mga tawo. Unya sa Mayo wa namay bonus. Tingbayad intawon na sa eskuwelahan. Unya mahal kaayo ang pulta. Samot way manan-aw. Mirisi!
Kinsang idea nga kaduhaon na ang MMFF kada tuig? Di lang ko mag-tell. Sige Go!