HUMAN sa duha ka tuig nga pagtrabaho, pormal nga gi-inagurahan kagahapon ang P900 million nga Sports Center sa dakbayan sa Toledo.
Ang session sa mga sakop sa konseho sa siyudad ug ang State of the City Address (SOCA) ni Toledo City Mayor Mariejoy “Joie” Perales maoy nahimong sentro sa kalihukan nga gitambungan sa tanang mga opisyal, department heads, lakip na usab ang mga barangay officials.
“This venue we are using now and almost 100% comple, the New Toledo City Sports Center will be the ome of our fello Toledanos who love sports, spending their time and talent learning and praticing their sports,” matod ni Perales.
Gipalanog ni Perales ang plano sa siyudad sa dugang pagpalapad sa mga pasilidad sa sports sa siyudad aron kini matukma ug mohaom nga maka-host og mga dagkong events.
Iyang giingon nga lakip sa ilang idugang mao ang sports oval, Olympic size nga swimming pool ug grandstand.
“This will be a perfect venue for regional, national and even international sports tournament and make Toledo City the center for sports tourism in the west coach of the Province of Cebu.
Ang contractor sa maong Sports Center nga si Al Tengco sa Nation Star Development Corporation nga nagbasehan sa Manila mihulagway nga kini maoy usa sa pinakahamugaway nga sports arena gawas sa Pilipinas gawas sa Luzon area.
“This is the biggest sports arena outside Luzon in the Philippines. Maybe the best in Visayas, this is a 5,000-seater Coliseum. Under the court, we have the 2,000-seater convention center. So this is not only a sports complex but also a convention center.”
Iyang gibutyag nga foldable kon mahipos ang sawog niini nga ikatandi sa mga dagkong coliseum didto sa Kaulohan.
“This is fourth foldable court in the country, next to Mall of Asia, Araneta Coliseum and Philippine Arena.
“All the equipments that we installed here are Fiba certified and Fiba accredited sports equipments,” matod ni Tengco.
Subay niini, si Atty. Glenn Cavada, ang sport director sa Toledo City Sports Commission (TCSC), nagkanayon nga isip kabahin sa pagsubo sa ilang bag-o ug mahalon nga korte, usa exhibition game tali sa Southwestern University-Phinma (SWU) Cobras, ang bag-ong kampiyon sa Cesafi, ug University of the Visyas (UV) Green Lancers, ang Cesafi three-time consecutive titlists karong Sabado sa alas siete ang takna sa gabii.
Sa dili pa ang SWU-UV special match, adunay preliminary games sa mga local teams sa Toledo. (JBM)