ANG Davao City's Southeast Asian (SEA) Games 2019 soft tennis gold medalist Mark Anthony Alcoseba miangkon sa una niyang duha ka titulo sa 2020, apan karon sa una niyang isports, ang tennis, sa pagtapos sa PPS-PEPP Fr. Fernando Suarez Cup sa Philam Tennis Club sa Quezon City sa nakalabay nga weekend.
Ang 32 anyos nga si Alcoseba ug ka-partner Vicente Elberto Anasta sa Negros Occidental miguwang kampeyon sa men's doubles.
Sila Alcoseba-Anasta nagkapuliki sa pagsugod, apan nakalingkawas ra sab, aron pildihon ang tandem nila Jordan Cimafranca sa Lanao del Sur ug Alberto Villamor sa Manila sa titular showdown.
"First set napildi mi. Siguro nagpadala mi sa emotion kasi sabi nga nila umpire decision. Kaya second set nag-try dyod me na mag umpisa ulit, wag magpadala at mag-recover hangtod wala pa nahuman ang game. Laban lang ng laban," ni Alcoseba sa SunStar Davao via Facebook interview niadtong Lunes, Enero 6, 2020.
Si Alcoseba, nga mipauli human makasaulog og Pasko ug Bag-ong Tuig uban ang pamilya, ang nakigpartner na ni Anasta sukad 2013, diin silang duha pulos miharos sa doubles crowns sa Lanao National Open, Olivarez National Tennis Open, Surigao Tennis Open, Cainta National Open, General Santos National Open ug Lucena National Tennis Open.
Ang Dabawenyo dayon nakig-unong ni Rollie Anasta aron pildihon si Teddy Danao ug Raymond Diaz, 8-5, aron makuha ang 30 years old division title sa Unified Tennis Philippines-sanctioned meet.
Niya, sa di madugay magsugod sab ang pagbansay alang sa national soft tennis team diin sila makigtigi sab sa Asian Championship this year.