LUYO sa tinuig nga dalit nilang Pamaskong Handog isip pahinungod ug pasalamat ngadto sa mga overseas Filipino workers (OFWs) ug sa ilang kabanay, parte sa adbokasiya sa BDO ang pagtudlo og "financial education" ngadto sa kabanay sa OFWs ug importansiya sa pag-invest.
Atol sa pakigtagbo nila sa Davao media, si Genie T. Gloria, senior vice president ug head of remittance sa BDO Unibank Inc., nagkanayon nga dakong puntos alang kaniya nga matudluan sab ang kabanay sa mga OFWs unsaon sa pagpalambo ang ilang salapi, kinitaan sa ilang kabanay aron may makuot sab inig abot sa panahon sila makadesidar nga dinhi na's Pinas manginabuhi.
"Raising their financial knowledge should start at the onset. Meaning, we teach them what they can do with their hard-earned money by allocating a portion to savings and looking for investments which can serve their long-term goals," sigun ni Gloria.
Dugang niini, nga isip parte sa ilang adbokasiya, ang BDO Remit nagaduaw sa mga unibersidad, komunidad ug uban pa aron motudlo labot financial education.
"Apart from these efforts, we also continue to participate in the pre-departure orientation seminars (PDOS) done by the Overseas Workers Welfare Administration (Owwa) by helping the departing OFs to have a better financial behavior."
Tungod sa maayong impak sa programa sukad gisugdan niadtong 2014, subay sa ilang rekord, nakita ang kalambuan sa paningkamot sa OFWs ug kabanay niini sa pagdaginot.
"They are saving more now and they know their priorities and goals. For us, this improvement is a testament that this advocacy of ours is working well for them," ni Gloria.