USA ka high value target (HVT) ug laing tulo ka mga manggamitay og shabu ang nasikop sa gihimo nga buy bust operation sa sitio Molave, Barangay Tabunok, dakbayan sa Talisay, pasado ala tres Martes sa kadlawon, Enero 7.
Giila ang mga dinakpan nga sila si Augie Raga, 37, usa ka kargador og prutas nga molupyo ra sa maong sityo.
Sayo sa niaging tuig pa nga gimonitor si Raga sa operatiba nga gipangulohan ni Police Lieutenant Colobel Marlu Conag, pangulo sa Provincial Intelligence Branch (PIB).
Laing nangadakpan human giingon naatlan nga naghithit og shabu ang kanhi driver sa Tabunok barangay hall sulod sa 10 ka tuig, mao si Loyd Lastimosa, 45, kauban niini sila Efren Unabia, 30, ug Jessan Tamayo, 23, pulos mga kargador.
Matud ni Conag nga giila nila nga usa sa nga idlas si Raga, human nga kapila na nila kini nga gipaubos sa operasyon sa wala pa sila molampos sa pagsikop niini.
Nakuha gikan kanila ang ilegal nga drugas nga motimbang og 21.14 gramos nga mobalor og dul-an sa P144 mil. (FMD, BBT)