DELIKADO. Wa man mahadlok ug magpanagana og sulti ang lider sa Iran sa pagpanimawos sa nasud sa Amerika tungod sa kamatayon ni General Qasem Soleimani.
Si Soleimani maoy impluwensyadong heneral sa Iran ngadto sa Middle East, gipatay sa mga sundawo sa Amerika ginamit ang drone nga dunay missile didto sa Baghdad, Iraq.
Si Soleimani nga giisip sama sa Ginuo maoy responsabli sa kamatayon sa mga sundawong Amerikano ug mga opisyal niini.
Mao nga angayan lang nga gi-assassinate sa mga sundawo sa Amerika kay may kalambigitan usab kini sa teroristang pagpangataki sa mga nasud nga kaalyado sa Amerika.
Bag-uhay lang si Soleimani, ang responsabli sa pagpangataki sa US Embassy sa Iraq ug pagpatay sa mga sibilyan ilabi sa mga magprotesta batok sa gobyerno.
Kon gubat ang hisgutan way dag-anan ang Iran ug kaalyadong nasud nga mga Muslim sa pakig-gubat sa Amerika.
Apan sila adunay katakos alang sa paghimo og cyber attack, pagpatay sa mga dagkong opisyal sa Amerika ug paghimo ug teroristang kalihukan sama sa suicide bombing.
Tungod niini, naalarma ang Amerika ug mihulga nga kon kini mahitabo mohimo ang mga sundawo ug dugang pagpangataki.
Duna na gani kamandoan sa pagbiya sa mga Amerikano sa mga nasud sa Middle East aron sa paglikay nga pamatyon.
Tungod sa grabing tensiyon, daghan ang nawad-an og trabaho nga mga Overseas Filipino Workers (OFWs).
Kapihan sa sugbo
Sa pagsikad sa tuig 2020, ipahigayon na usab ang labing una nga Kapihan sa Sugbo Media Forum.
Ang Kapihan himuon sa matag Miyerkules. Ug nindot kay natayming sa petsa 8, buwenas nga number alang sa mga Insik.
Namugma ang Kapihan sa Sugbo pinaagi nila ni kanhi Anad partylist congressman ug kanhi konsehal Jun Alcover ug kanhi Compostela mayor Richie Wagas.
Ang Kapihan sa Sugbo gilangkuban sa mga beteranong komentarista sa radyo nga ipahigayon sa Elegant Circle Inn Hotel. (efrenlonzon71@gmail.com / 09235562777)