GRUPO sa mga fraternity sa Sugbo nagtagbo Miyerkules sa buntag, Enero 8, 2020 sa Cebu City Police Office alang sa himuon nga peace covenant subay sa umaabot nga kalihukan sa Sinulog.
Matod ni Police Lieutenant Colonel Clark Arriola nga tumong ug tuyo niini mao ang paghiusa sa mga faternity ug ubang grupo nga moabag sa pagpatuman sa kahusay ug kalinaw sa Sinulog grand parade.
Matag tuig ang mga fraternity mohimo og kalihukan diin mahimo sila nga ma-tap sa kapulisan nga moabag sa pagbantay sa mga kriminal atol sa Sinulog.
Gihangyo ni Arriola ang mga fraternity sa Sugbo nga makiglambigit sa kalihukan sa kapulisan tungod kay daghan man usab ang miyembro sa frat sa Sugbo nga nagkahiusa na sukwahi sa nanglabay nga mga katuigan. (AYB)