DEAR Noy Kulas,
Tawga lang ko sa ngan nga Ms. J, 29 years old. College ra ko ug naglisod pagpangita og work. Karon nipadayon na ko og eskwela kay naa na koy mga amo nga nagpaeskwela nako, but di tanang subjects akong makuha. Hinayhinay ra.
Nahug ko nga helper sa ilaha kay naa silay gamay nga anak nga maoy center sa akong work. Ang bana is 40 plus while ang asawa naa sa late 30s. Taudtaud na ko sa ilang balay mao gisaligan na ko nila.
Di ikalimod, Noy, naa koy face nga di maulahi ug fair ang akong complexion with igong height.
Kining bana maoy pirme mabilin sa balay kay ang iyang asawa magsige og travel tungod sa nature sa iyang work. Kami ang pirme magkauban og atiman sa ilang anak. Hangtod nga dihay time nga hubog kaayo siyang niabot sa balay gikan sa party. Gihatod siya sa iyang kauban sa work. Pag-abli nako sa door, ni kiss siya nako ug nigakos og hugot. Wa ko kalihok dayon, but kutob ra siya sa kiss.
Ako siyang giagak ngadto sa ilang room ug giilisan kay hubog. Nakatug ra siya.
Pagkaugma maora lang og way nahitabo. But, nauli na sab siya nga hubog ug mao gihapon ang iyang gibuhat ug the same ang routine. Wa siya kahibawo nga nakauyon ra ko sa iyang gibuhat ug manginit gani ko. Wa siya kabantay nga nibawos ko sa iyang French kiss.
Karon, nag-anam na og ka develop ang akong feeling niya. Makilig ko basta magkuyog na mi ug mag talk bisan sa among age gap. Wa siya kahibawo ani. Unsa kahay akong buhaton, Noy?
MS. J
Ms. J,
Kuyaw na na imong padulngan kay duha unya ang imong bantayan, maapil na ang papa. Mas kuyaw pa na kay naa ka sulod sa balay sa magtiayon. Kana ra bang ingon ana ang sitwasyon sakit kaayo kay matag higayon nga magtan-aw ka nilang magtiayon, magselos ka gyud. Masakitan ka lang kay in the end, sila ra gihapon.
Busa, likayi na nga sunod higayon nga mahagkan ka sa imong amo nga lalake kay basin sa sunod, lain na unya ang mahitabo. Mosamot na unya kakomplikado ang sitwasyon.
Di kaayo lisod pagpangita og trabaho karong panahuna kay ang mga call center company kanunay nag-hiring. Basin wa ka makasuway kay nagtuo kang college graduates ang ilang gipangita. Kon gusto ka sab nga mag working student, naa may mga eskwelahan nga manawat ug duna say private establishments nga naa ani nga program.
Busa, pangita og paagi nga makabiya ka ug makatiwas sa imong pagtungha bisan wa ka na sa ilang poder. Ayaw gub-a ang imong kaugmaon tungod lang kay imong gipasulabi ang imong kasingkasing.
NOY KULAS