UBANG mga tunghaan sa Pilipinas nangita og pamaagi nga masulod ang teknolohiya sa ilang curriculum, daghang wala pa makapanukad alang sa digitalization, ug naglisod unsaon sa pagsugod.
Giila ang panginahanglan sa educational institutions sa pagsagop sa global practices sa information and communications technology (ICT) diha sa pagkat-on, ug ang kakuwang sa kasayoran o resources sa mga tunghaan sa paghimo niini, ang Globe nihimo og dakong lakang sa pagseguro nga ang mga sinaligang tawo sa akademiya mahatagan og igong kahibalo aron pagpaambit sa ilang mga tinun-an nga maahimong andam sa umaabot nga hagit sa modernisasyon.
Uban sa pakighiusa sa First City Providential College (FCPC), ang Globe, pinaagi sa Globe myBusiness Academy, nihimo og E-skwela, usa ka professional development workshop nga gidensenyo sa pag-edukar sa school administrators, key decision makers, ug faculty members sa pagtuon sa technologies ug ilang integration niini sa school system.
Ang FCPC nagtanyag sa relevant ug multidisciplinary academic programs nga gitumong sa pag-umol sa lifelong learners kinsa globally competitive ug socially responsible professionals.
Usa sa iyang academic goals mao ang paghimo og kasaligang research alang sa lokal ug internasyonal nga publications lakip sa pagpatuman sa collaborative ug makahutayong community extension services. (PR)