SUPERBALITA CEBU

Nalzaro: US-Iran tension

Saksi

MITUMAW ang tensiyon karon tali sa Estados Unidos ug Iran human mapatay ang usa ka top military commander sa Iran, General Qassem Soleimani, pinaagi sa drone strike nga gilusad sa US forces didto sa Baghdad, Iraq niadtong miaging semana. Mibahad ang Iran nga mobawos sa pagpangatake. Kagahapon sa buntag, mipalupad na sa ilang missiles ang Iran tumong sa US military bases sa Iraq.

Ang political analysts nagkanayon nga ang gihimo sa US diversionary tactic o paliwag sa isyu sa impeachment batok kang US President Donald Trump human siya gi-impeached sa US House of Representatives ug nasang-at na sa US Senate ang kaso nga maoy mohusay.

Apan sa tinuod lang, dugay na nga adunay cold war o panagsungi ang US ug Iran gumikan sa pagmagahi sa Iran nga bungkagon ang ilang nuclear weapons. Ang mga manalagna nagkanayon nga mao na kini ang sinugdanan sa Third World War. Pero mao man gihapon kini ang gitagna kaniadto sa mga kunuhay manalagna sa dihang giataki sa US ug allied forces ang Iraq ug nahugno ang diktatoryang pangagamhanan ni Iraqi President Saddam Hussien.

Pero mobawos ug mosukol kaha gyud ang Iran? Ato kunong ikompara ang military capabilities sa duha ka mga nasud. Ang Iran adunay 407 combat aircraft samtang ang US adunay 3,318. Ang Iran adunay 100 attack helicopters, ang US adunay 6,417. Ang Iran adunay 2,885 ka mga tangke de guerra samtang ang US adunay 8,725. Ang US adunay 430 ka mga barkong igugubat, dose niini mga aircraft carrier ug 71 ka submarino samtang ang Iran dul-an pod sa 400 apan way aircraft carrier ug 40 ka submarino. Ang Iran adunay tunga sa milyon nga mga sundalo, ang US adunay 1.4 million active military personnel. Unya daghan pa og reserve ang US.

Ang missile sa Iran moabot lang og 300 kilometers samtang ang sa US bisan asang suok sa kalibutan. Ang gubat god karon dili naman face to face. Ang mopislit sa button atoa ra sa Pentagon unya manglupad lang ang mga missile. Ang Estados Unidos mao gihapon ang adunay labing lig-on nga military capability sa tibuok kalibutan. Samtang ang Iran ika-13 lang. Mosukol kaha ang Iran? Sigurado ang ilang himuon mao terroristic activity. Morag “eat and run.” (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph