SI TANS Bernas gibuksan ang 2020 nga miharus og una niyang Datba Weekly Tournament title karon nga tuig sa SM Lanang Premier Bowling Center, sa nakalabay nga weekend.
Si Bernas, may 26 handicap, mipatumba og 610 pins human ang tulo ka duwa aron dominahon ang 27-player bowlfest nga giorganisa sa Davao Tenpin Bowlers Association (Datba).
Si Darius Beloy, may 30 handicap, miangkon sa runner-up honors human mipatumba og 598 pins samtang si Joshua Disuacido, 15, mipatumba sa 582 pins aron mabutang sa ikatulo.
Ang kampeyon nga si Bernas midawat og cash prize nga P1,200 samtang sunod nga placers, Beloy ug Disuacido mipupo og P600 ug P400, matag usa.
Samtang sa youth division, si Chad Tancontian, 35, mipatumba sa 565 pins aron modaug kontra Enzo Sulit, 35, ug Suzanne Beloy, 45, nga miangkon sa ikaduha ug ikatulong pwesto.