ORMOC City, Leyte– Usa ka motorbanca nalunod sa may pantalan nga sakop sa Barangay Rawis, Laoang,, Northern Samar, Martes, Enero 7, 2020.
Ang motorbanca gipanagiya ni Lyra Adamero, kagawad sa usa ka barangay, taga Barangay Cahayagan, Laoang.
Base sa report sa kapulisan, ilang nadawat ang alarma pasado alas 6 sa gabie sa samang adlaw.
Ang bangka dunay walo ka mga sakay diin lakip niini ang pipila ka mga magtutudlo.
Ang walo mao sila si Joey Adora, 44, magtutudlo; John Brylee Acuyan,23, magtutudlo; Ardyn Eizel Icalina, 28; Clemente Macallan, 66; Mary Claire Giray,27; Norelle Morales, 26; magtutudlo; Rezel Espiña, 33, magtutudlo; ug Lorelyn De Guia,35, administrator sa ASA Philippines Foundation.
Ang bangka gi-operate sa usa ka Maldo Baluyot, 35, taga Talisay, Laoang, Northern Samar.
Matod sa report, overloading sa karga ang hinungdan sa pagkalunod.
Kini nahitabo samtang padayon ang pagpasud og mga kargamento diin giingong na out of balance ang bangka hinungdan sa pagkalunod niini.
Luwas ang tanan nga sakay ug dali nga midangop sa kapulisan aron mangayo og tabang.
Mikabat sa P100,000 ang danyos sa mga gamit nangaguba sa insidente.
Padayun ang imbestigasyon sa Philippine Coast Guard sa insidente. (JKDP)