USA ka opisyal sa Department of Education (DepEd) sa Davao Region midayeg sa City Government of Marikina isip bag-ong host sa 2020 Palarong Pambansa human gibuhian sa Occidental Mindoro ang pagkupot niini tungod grabe silang nanapektuhan sa bagyong “Tisoy” niadtong Disyembre 2019.
Si Deped Davao spokesperson Jenielito “Dodong” Atillo, sa pakighinabi sa telepono sa SunStar Davao, Miyerkules, nagkanayon: “Kining pagdawat signifies the intent to hold the Palarong Pambansa in accordance with everything, respect to demands and needs of delegations. This somehow shows their readiness. We salute them in a very short notice they accepted the hosting.”
Kini ang unang beses nga mo-host ang Marikina sa Palaro.
Ang Davao City uwahing nag-host sa Palarong Pambansa niadtong Abril 27 ngadti Mayo 4, diin ang Davao Region Athletic Association (Davraa) Meet mitiurok sa 11th place, miangkon sa 13 gold medals, 22 silvers ug 37 bronzes.
Ni Atillo bisan asa himuon ang Palaro, wala silay problema niini.
“Mag-participate man jud ta. Okay ra sa amoa ang pag-transfer sa Palaro venue. Ready man ta. Naa pa man gani mga lugar nga mas layo pa sa Marikina nga naadtuan sa Davao Region.”
Sa hisgutanang trapik sa Metro Manila, si Atillo masaligon nga may contingency plan ang host city kalabot niini.
“I don’t think traffic will be a problem. Maningkamot ang host to.”
Samtang ang preparasyon sa Davraa Meet 2020 sa Davao de Oro karong Pebrero 24 ngadto 29 ang nagpanikad na.
Ni Atillo nga may miting nga gihimo, Enero 8 alang sa maong katikaran.