DAGHAN ang nahingangha sa pinasahing land formation diha sa M’lang, Cotabato nga nahimo ng tourist attraction.
Daw sama kini sa grand canyon nga makita nimo sa Arizona, sa Amerika.
Ang pinasahing land formation makita sa Barangay New Rizal sa M’lang, diin anaa ra sab kini kilid sa M’lang-Makilala Highway.
Gibutyag ni Williamor Magbanua, sa M’lang Tourism and Information Office nga makalingaw gyud ang maong atraksiyon tungod naporma kini sa normal lang nga paagi, pinaagi sa tubig nga nagaagas dinhi panahon sa ulan.
Mga biyahero nga moagi sa dapit, magpanglingi gyud, ang ubang modalikyat og pa-selfie sa maong atraksiyon.
Luyo sa mga locals sa dapit, bida sab ang “grand canyon” sa mga bisita gikan kasikbit dapit sa M’lang.
Ilado sab ang lugar isip venue sa prenup photo shoots.