DAVAO DEL NORTE -- Malampusong nahug sa mga kamot sa kapulisan ang gikonsiderang banggiitang nalambigit sa ilegal nga druga sa gilusad nga drug bust didto sa Coastal Road, Purok Boongon, Barangay Cagangohan, Panabo City alas 9:15 sa buntag, Miyerkules, Enero 8.
Ang suspek giila nga si Archie Lagare Macaso, naa sa drug watch list sa Panabo City Police Station ug molupyo sa nahisgutang dapit.
Subay sa report, nasayran nga ang suspek nasikop pinaagi sa mga personahe sa Panabo City PNP nga gipangulohan ni Police Major Ernesto Gregore, inubanan sa uban pang yunit sa kapulisan ug Philippine Drug Enforcement Agency sa Davao del Norte.
Nasakmit atol sa operasyon ang usa ka sachet nga nagsilbing buy-bust item nga napalit gikan sa suspek, duha ka sachet sa gituohang shabu nga nakuha atol sa pagrekisa sa lawas sa suspek nga giputos ug usa ka 10 Riyals nga adunay serial number 370-806652.
Sumala pa nga ang mga Riyals gibutang sulod sa kolor itom nga pitaka ug ang P500 bill nga marked money.
Gibalhog ang suspek sa selda sa Panabo City PNP. (Dexter T. Visitacion)