DOH magtibawas kampanya batok tipdas karong 2020

(File photo ni Mark Perandos)
(File photo ni Mark Perandos)

DAVAO CITY -- Pakusgan sa Department of Health (DOH) ang ilang kampanya batok tipdas sa nasud karong tuiga. Kini nagtumong sa pagpugong sa pagsaka sa mga kaso sa tipdas niadtong 2018 ug 2019.

Balik niadtong 2018, dunay pagtaas sa ihap sa mga kaso sa Measles-Rubella virus sa National Capital Region (NCR) ug pipila ka bahin sa Mindanao.

Isip tubag niini, si Secretary for Health Francisco Duque III nagdeklara og measles outbreak niadtong Pebrero 2019 sa nagkadaiyang rehiyon sa Pilipinas.

Ang Department of Health (DOH)-Davao Region nitubag ngadto sa pagtaas sa mga kaso pinaagi sa Supplemental Immunization Activity alang sa 6 hangtud 59-bulan nga kabataan.

Ang DOH-Davao Region nakahimo sa pag-“cover” kapin sa 95% sa target population alang sa imunisasyon ning rehiyon.

Bisan sa kalampusan sa immunization activity, duna pay daghang kaso ang gitaho sa Davao Region.

“At present, we are observing a rise in cases of measles in Region XI and there is a sense of urgency when it comes to stopping the spread of the virus,” paghisgut ni Assistant Secretary for Health Dr. Abdullah Dumama samtang nagsulti sa katikaran sa mga kaso sa tipdas sa Davao Region.

Ang pag-monitor mao ang yawe aron nga hingpit kining masumpo sa pagkatap sa Davao Region hinungdan nga ang DOH XI nanawagan sa tanang local government units nga maningkamot sa pagmonitor sa mga bag-ong kaso sa ilang tagsa-tagsa ka mga lokalidad.

“We hope LGUs will be able to monitor areas where there is low coverage and DOH XI is willing to assist them when it comes to this if they need help,” matud ni Asec Dumama. (PIA-Davao Region)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph