Swak na swak sa Dalaguete Beach Park

Swak na swak sa Dalaguete Beach Park

SA kadtong adunay plano nga get-together, reunions ug uban pang kalihokan o kasaulogan apan wa pa maka-decide sa haom nga lugar diin ipahigayon diay dapit nga patok sa inyong events.

Ilabi na adunay ubang reunions ug family gatherings ipahigayon sa beach resort sa probinsya.

Sa lungsod sa Dalaguete, adunay barato nga kaligo-anan nga swak sa inyong budget.

Kini ang Dalaguete Beach Park sa Barangay Casay sa habagatang Sugbo.

Usa kini ka public beach park nga gidumala ug gi-operate sa lokal nga kagamhanan sa lungsod sa Dalaguete.

Sa mga molupyo didto, gitawag kini og Casay Beach nga susama og pangan sa barangay.

Layo man kini sa siyudad sa Sugbo, apan sulit usab ang inyong biyahe padung didto tungod kay white sand ang inyong makita inig abot sa lugar kay gi-maintain usab ang kalimpyo sa lugar.

BARATO

Very affordable ang entrance fee nga mokabat P30 sa mga hamtong ug P15 sa mga bata.

Mahimo kamong makadala sa inyong mga pagkaon sa beach park ug aduna say mapalit nga pagkaon, softdrinks ug ubang ilimnon sa naglaray nga mga tindahan nga naa ra sud sa compound.

Gwardiyado ang Dalaguete Beach Park diin duna gyuy mag-roving nga mga gwardya ug staff niini.

Duna usab mga lamesa nga magamit didto ang adunay abang nga P250 day-use samtang P500 kon overnight.

Sigon sa mga lokal didto, masaksihan ang maanindot nga sunrise sa beach park apan wa maka-timing ang among grupo didto kay na-atol usab nga nag-uwan dihang nibisita mi sa dapit.

AMENITIES

Dako og hawan sa maong dapit hinungdan nga haom kini alang sa mga team building o family outing.

Wala hinuon makatulgan nga mga lawak kon maabtan mo og gabii, apan mahimo ra mag-camping didto kon naa moy dala nga tent sa abangan nga P100 ngadto sa P200.

Kon gusto ninyo mag-shower, P20 ang bayad kon hamtong samtang P10 kon bata.

Kon duna moy dala nga sakyanan, di maguol kay dunay parking area sa beach park, P20 ang bayad.

Kon gusto mo magpa-videoke ug magpatukar og music, P200 ang bayad sa unang walo ka oras. Kon molapas na og otso oras, P300 ang bayad.

Nindot iadto sa Dalaguete Beach Park kon weekdays sanglit modagsa ang mga tawo niini kon weekends o holidays.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph