NAGPADAYON ang Department of Social Welfare and Development (DSWD)-7 sa iyang information dissemination bahin sa mga programa ug mga serbisyo pinaagi sa paglusad sa Information Caravan sa Pilar, isl sa Camotes, Cebu.
Nikabat sa 130 ka mga molupyo sa Pilar, Cebu ang ning-apil sa kalihokan sa pagpahibalo sa mga programa ug mga serbisyo sa departamento dili pa lang dugay.
Ang Pantawid Pamilyang Pilipino Program (4Ps), Sustainable Livelihood Program (SLP), Kalahi-CIDSS, Listahanan, UCT, Social Pension, Assistance to Individuals in Crisis Situation (AICS), Adoption, DSWD’s Centers, Disaster Response and Rehabilitation, salient features of DSWD Branding Guidelines ug ang devolution of basic services ngadto sa local Government Units (LGUs) mao ang nag-unang gituki sa personnel sa by the DSWD-7.
Kini nga kalihokan naghatag sa mga partisipante og kahigayonan sa pagpangutana ug pagpaklaro sa tahas sa DSWD ug kini giisip usab nga maayong feedback aron pagpalambo sa pagdumala sa ahensiya.
Ang Kalahi-CIDSS Barangay Sub-Project Management Committee (BSPMC) Chairperson and Pantawid Pamilya partner-beneficiary sa Pilar nihatag usab pagpaambit ug pagpasalamat sa program sa DSWD 7.
“Nalipay ko nga usa ko sa mga nahatagan og higayon nga maapil isip usa sa mga community volunteers sa Kalahi-CIDSS kay kini siya gi-empower niini ang mga katawhan. Daghang seminars ug training ang gihimo nila so ubay-ubay gyud akong nakat-onan,” matod ni Berdon Olarte, usa ka BSPMC Chairperson sa Pilar, isla sa Camotes, Cebu. (PR)